ᐅᑭᐅᖅᑕᖅᑐᒥ ᒪᒃᑯᒃᑐᐃᑦ ᐊᒻᒪᓗ ᐱᓕᕆᐊᖃᖃᑎᒌᒃᑎᓂᑦ ᐱᓕᕆᐊᖑᔪᖅ (Arctic Youth and Partnerships)

SOI-ᑯᑦ ᑎᒥᖁᑎᖓᑕ ᐊᑯᓃᖅᑐᒧᑦ ᑐᕌᕐᕕᒃᓴᕆᔭᖏᓄᑦ ᐃᓚᒋᔭᐅᖃᑕᐅᒻᒪᑦ ᑐᓂᓯᓯᒪᓕᕆᐊᒃᓴᒥᓐᓂᒃ ᓯᕗᓂᑦᑎᓐᓂ ᓯᕗᓕᖅᑎᐅᓕᕈᒫᖅᑐᓄᑦ ᐃᓗᐃᒃᑲᐅᑦᑎᐊᖅᑐᒃᑯᑦ ᑐᑭᓯᐅᒪᓂᖃᓕᕋᔭᕐᓂᖏᓂᒃ ᐅᑭᐅᖅᑕᖅᑐᒥᒃ, ᐊᑐᖅᑕᐅᓯᒪᔪᓂᒃ ᐊᒻᒪᓗ ᐊᔾᔨᒌᖖᒋᐅᕐᓂᖃᕐᓂᖓᓂᒃ ᐅᑭᐅᖅᑕᖅᑐᑉ, ᖁᑦᑎᖕᓂᖅᐸᐅᔪᑎᒍᑦ ᐱᕈᒃᑲᓐᓂᕈᓐᓇᖅᑐᖁᑎᖃᓕᖁᓪᓗᒋᑦ, ᖃᓄᐃᖖᒋᑦᑎᐊᖅᑐᓂᒃ ᓄᓇᓕᖃᓕᕈᓐᓇᖁᓪᓗᒋᑦ ᐊᒻᒪᓗ ᐊᕙᑎᐅᔪᒧᑦ ᐊᐅᓚᑦᓯᔨᒋᔭᐅᓂᕐᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ.

ᑖᔅᓱᒪ ᑐᕌᕐᕕᒃᓴᖁᑎᐅᔪᑉ ᐃᓗᐊᓂ ᑐᖖᒐᕝᕕᖁᑎᐅᔪᓂ SOI-ᑯᑦ ᑎᒥᖁᑎᖓ ᐱᓕᕆᐊᖃᖃᑎᖃᖅᐸᑦᑐᑦ ᐊᔾᔨᒌᖖᒋᑦᑐᓂᒃ ᐃᓄᓐᓂᒃ ᐊᒻᒪᓗ ᐊᓯᖏᓂᒃ ᐅᑭᐅᖅᑕᖅᑐᒥ ᐱᓕᕆᐊᖃᖃᑎᒋᔭᒥᓐᓂᒃ ᐊᒻᒪᓗ ᓄᓇᓕᒋᔭᐅᔪᓂᒃ ᐊᔾᔨᒌᖖᒋᐅᖅᑐᓂ ᐱᓕᕆᐊᖑᑲᐃᓐᓇᖅᑐᓂᒃ ᐊᒻᒪᓗ ᐅᑭᐅᑕᒫᑦ ᓇᒃᓴᖅᐸᒃᑐᑎᒃ 35-ᓗᐊᓂᒃ ᐅᑭᐅᖅᑕᖅᑐᒥ ᒪᒃᑯᒃᑐᖁᑎᒋᔭᐅᔪᓂᒃ ᐅᒥᐊᕐᔪᐊᒃᑯᑦ ᖃᐅᔨᓴᐃᓂᖃᕐᓂᕐᒥᓐᓂ.

ᑎᒥᖁᑎᐅᔪᑦ ᐱᓕᕆᐊᖓᓐᓂᒃ ᑐᑭᒧᐊᒃᑎᑦᑎᒋᐊᕐᓂᕐᒥᓐᓂ ᐅᑭᐅᖅᑕᖅᑐᒥ ᐱᓕᕆᐊᖃᖃᑎᒋᔭᒥᓐᓂᒃ ᐊᒻᒪᓗ ᒪᒃᑯᒃᑐᓂᒃ, SOI-ᑯᑦ ᑎᒥᖁᑎᖓᑕ ᐋᖅᑭᒃᓯᓯᒪᓕᓚᐅᕐᒪᑕ ᐅᑭᐅᖅᑕᖅᑐᒥ ᒪᒃᑯᒃᑐᐃᑦ ᐊᒻᒪᓗ ᐱᓕᕆᐊᖃᖃᑎᒌᖑᔪᑦ ᐱᓕᕆᐊᖓᓐᓂᒃ ᒪᑯᓂᖓ ᑐᕌᕐᕕᒃᓴᖃᖅᑎᓯᒪᓪᓗᒋᑦ:

  1. SOI-ᑯᑦ ᑎᒥᖁᑎᖓᑕ ᐱᓕᕆᐊᖏᓂᒃ, ᐱᓕᕆᐊᕆᔭᖏᓂᒃ ᐊᒻᒪᓗ ᐃᑲᔪᒐᔅᓴᖅᓯᐅᕈᑎᐅᓪᓗᑎᒃ ᑎᑎᕋᖅᑕᐅᓯᒪᔪᖁᑎᑦ ᑐᕌᖓᑎᑕᐅᒋᐊᖅᐸᒃᑐᑎᒃ ᐊᖏᓂᖅᐸᐅᔪᒃᑯᑦ ᐃᑲᔪᖅᑕᐅᓯᒪᓂᖃᖁᓪᓗᒋᑦ ᐃᓚᒋᔭᐅᖃᑕᐅᔪᑦ ᐅᑭᐅᖅᑕᖅᑐᒥᑦ ᒪᒃᑯᒃᑐᐃᑦ.
  2. ᐃᑲᔪᖅᓯᓂᖃᓕᕐᓗᑎᒃ SOI-ᑯᑦ ᑎᒥᖁᑎᖓᑕ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᓚᐅᑕᐅᖅᓯᒪᔪᑦ ᐅᑭᐅᖅᑕᖅᑐᒥᑦ ᓯᕗᒻᒧᒋᐊᖅᓯᒪᓕᕐᓂᒃᓴᖏᓂᒃ ᓇᖕᒥᓂᖅ ᐃᓅᓯᕐᒥᓐᓂ, ᐃᓕᓐᓂᐊᕐᓂᕐᒥᓐᓂ ᐊᒻᒪᓗ ᐃᖅᑲᓇᐃᔮᕆᔭᒥᓐᓂ ᐃᓚᐅᖃᑕᐅᓚᐅᖅᓯᒪᓕᕐᓗᑎᒃ SOI-ᑯᑦ ᐱᓕᕆᐊᖏᓄᑦ.
  3. ᓇᓗᓇᐃᖅᓯᒪᓕᕐᓗᒋᑦ ᐊᒻᒪᓗ ᐋᖅᑭᒃᓱᐃᓯᒪᓕᕐᓗᑎᒃ ᓄᑖᓂᒃ ᐱᓕᕆᓂᐊᓕᕐᕕᐅᔪᓐᓇᖅᑐᓂᒃ ᐱᓕᕆᐊᖑᓕᖁᓪᓗᒋᑦ ᐃᓄᐃᑦ ᐱᕙᓪᓕᐊᔪᓕᕆᓂᖏᑦ ᐃᑲᔪᖅᓱᐃᓯᒪᓂᒃᑯᑦ SOI-ᑯᑦ ᖃᐅᔨᒪᔭᐅᑦᑎᐊᖅᑑᓂᖏᓂᑦ, ᐱᓕᕆᖃᑎᒋᔭᖏᑎᒍᑦ ᐊᒻᒪᓗ ᖃᐅᔨᒪᓂᖏᑎᒍᑦ ᐊᒻᒪᓗ ᐊᐅᓚᔾᔭᐃᒋᐊᖅᐸᓐᓂᕐᓂ ᑮᓇᐅᔭᖁᑎᔅᓴᐅᔪᓂᒃ ᐃᓄᓐᓂᑦ, ᒐᕙᒪᐅᔪᓂᑦ ᐊᒻᒪᓗ ᓇᖕᒥᓂᖅ ᐱᓕᕆᕝᕕᖃᖅᑑᓪᓗᑎᒃ ᐃᑲᔪᖅᑎᒋᔭᐅᖃᑕᐅᔪᓂᑦ.

 

ᐱᓕᕆᐊᖅ ᑕᓪᓕᒪᐅᔪᑎᒍᑦ ᐱᓕᕆᐊᖑᓂᖓᓂᑦ ᐃᖏᕐᕋᕝᕕᖃᖅᑎᑕᐅᓯᒪᒻᒪᑦ, ᐊᑐᓂ ᓇᖕᒥᓂᖅ ᑐᕌᕐᕕᒃᓴᖃᖅᑐᑎᒃ ᐊᒻᒪᓗ ᐱᓕᕆᐊᒧᑦ ᐃᓚᖃᖅᑎᑕᐅᓯᒪᓂᖃᖅᑐᑎᒃ:

1. ᐃᓕᓐᓂᐊᕐᓂᓕᕆᓂᖅ
ᑖᓐᓇ ᐱᓕᕆᐊᒥ ᐃᖏᕐᕋᕝᕕᐅᓂᖓ ᑐᕌᕐᓯᒪᑎᑕᐅᒻᒪᑦ ᒥᑭᓪᓕᒋᐊᖅᑎᑦᑎᓯᒪᓕᕈᒪᓂᕐᒧᑦ ᑐᓗᖅᑕᕐᕕᐅᓕᖅᐸᒃᑐᓂᒃ ᐃᓚᒋᔭᐅᖃᑕᐅᔪᓐᓇᖅᐸᓐᓂᖏᑕ ᐊᒻᒪᓗ ᐊᖏᒡᓕᒋᐊᖅᑎᑦᑎᓯᒪᓂᒃᓴᒧᑦ ᖃᓄᐃᓕᖓᓕᕐᓯᒪᓂᐅᓇᔭᖅᑐᓄᑦ ᐅᑭᐅᖅᑕᖅᑐᒥᑦ ᐃᓚᒋᔭᐅᖃᑕᐅᔪᓄᑦ. ᐱᓕᕆᐊᖑᔪᑦ ᐊᖏᓂᕆᔭᖓ ᐱᐅᓯᒋᐊᖅᑎᑦᑎᓯᒪᓕᕋᔭᕐᓂᕐᒧᑦ ᐱᓯᒪᓕᕆᐊᖅᐸᓐᓂᐅᔪᓂᒃ ᐱᓕᕆᐊᖑᔪᓂᒃ, ᑎᑎᕋᓯᒪᔪᖁᑎᖃᓕᖅᑎᑦᑎᕙᓐᓂᕐᓄᑦ, ᐊᒥᓱᖖᒍᖅᑎᑦᑎᒋᐊᕐᓂᕐᒧᑦ ᐃᓕᓴᐃᔨᐅᕙᒃᑐᓂᒃ ᐅᑭᐅᖅᑕᖅᑐᒥ ᐱᐅᓯᑐᖃᒥ ᐊᑐᖅᑕᐅᓯᒪᔪᓄᑦ ᐊᒻᒪᓗ ᐋᖅᑭᒃᓱᐃᕙᓐᓂᕐᒧᑦ ᐅᑭᐅᖅᑕᖅᑐᒥ ᐃᓚᒋᔭᐅᖃᑕᐅᕌᓂᒃᓯᒪᔪᓄᑦ ᐱᓕᕆᐊᖑᓕᕋᔭᖅᑐᒥᒃ.

2. ᑎᒥᒃᑯᑦ ᖃᓄᐃᖖᒋᑦᑎᐊᕐᓂᖅ, ᐃᓱᒪᒃᑯᑦ ᖃᓄᐃᖖᒋᑦᑎᐊᕐᓂᖅ
ᑎᒥᒃᑯᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖖᒋᑦᑎᐊᕐᓂᖅ ᑐᖖᒐᕝᕕᓪᓚᕆᐅᒻᒪᑦ ᓇᖕᒥᓂᖅ ᐃᓅᓯᕐᒥ, ᐃᓕᓐᓂᐊᕐᓂᕐᒥ ᐊᒻᒪᓗ ᐃᖅᑲᓇᐃᔭᖅᑎᐅᒻᒪᕆᐅᓂᕐᒥ ᐱᕙᓪᓕᐊᓂᖃᕈᓐᓇᕐᓂᕐᒧᑦ. ᐱᓕᕆᐊᒥ ᐃᖏᕐᕋᕝᕕᐅᓂᖓ ᑖᔅᓱᒪᓂ ᖃᓄᐃᖖᒋᑦᑎᐊᖅᑐᒥᒃ ᑎᒥᖃᕆᐊᖃᕐᓂᖅ, ᖃᓄᐃᖖᒋᑦᑎᐊᖅᑐᒥᒃ ᐃᓱᒪᖃᕆᐊᖃᕐᓂᖅ ᐋᖅᑭᔅᓱᐊᕆᔭᐅᓯᒪᒻᒪᑦ ᐃᓕᓐᓂᐊᖅᑎᑦᑎᔾᔪᑎᔅᓴᐅᓪᓗᓂ ᐃᓚᒋᔭᐅᖃᑕᐅᔪᓄᑦ ᐱᔾᔪᑎᒋᓗᒋᑦ ᖃᓄᐃᖖᒋᑦᑎᐊᖅᑑᓗᑎᒃ ᐃᓅᓯᖃᕆᐊᖃᕐᓂᕐᒧᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖖᒋᑦᑎᐊᖅᑑᔭᕆᐊᖃᕐᓂᕐᒧᑦ ᐊᒻᒪᓗ ᐃᑲᔪᕈᑎᔅᓴᐅᓪᓗᑎᒃ ᐅᒥᐊᕐᔪᐊᒃᑯᑦ ᖃᐅᔨᓴᐃᓂᖄᓂᒃᐸᑕ ᐊᑐᐃᓐᓇᐅᕝᕕᐅᔪᓂᑦ ᐱᓯᒪᓕᕆᐊᖃᑦᑕᖁᓪᓗᒋᑦ ᓈᒻᒪᒃᑐᑎᒍᑦ ᓄᓇᓕᒋᔭᐅᔪᒥ ᐅᕝᕙᓘᓖᓐᓃᑦ ᐊᕕᒃᑐᖅᓯᒪᓂᐅᔪᒥ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᓐᓂ ᐃᑲᔪᖅᑕᐅᔭᕆᐊᖃᕈᑎᒃ.

3. ᐃᖅᑲᓇᐃᔭᕐᓂᖅ ᐊᒻᒪᓗ ᓇᖕᒥᓂᖅ ᐱᓕᕆᕝᕕᖃᕐᓂᖅ
ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᓇᖕᒥᓂᖅ ᐱᓕᕆᕝᕕᖃᕐᓂᕐᒧᑦ ᐃᖏᕐᕝᕕᐅᓂᖓᓄᑦ ᐱᓕᕆᐊᖑᔪᖅ ᐋᖅᑭᒃᓱᕐᑕᐅᓯᒪᕗᖅ ᐃᑲᔪᕈᑎᔅᓴᐅᓪᓗᓂ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑕᐅᕌᓂᒃᓯᒪᔪᑦ ᐊᔪᖖᒋᓐᓂᕆᔭᒥᓐᓂᒃ ᐱᕙᓪᓕᐊᓂᖃᖅᑎᓪᓗᒋᑦ ᐊᒻᒪᓗ ᐊᑦᑕᑕᖅᑎᑕᐅᓯᒪᓕᕆᐊᖅᑎᓪᓗᒋᑦ ᐃᖅᑲᓇᐃᔮᕆᓕᕐᓂᐊᖅᑕᒥᓐᓄᑦ ᐃᓕᓐᓂᐊᕈᑎᖃᕐᕕᒋᔪᒪᔭᕐᒥᓐᓄᑦ ᐊᒻᒪᓗ ᐃᖅᑲᓇᐃᔭᕐᕕᐅᔪᓂ ᐃᖅᑲᓇᐃᔭᕐᕕᒋᓕᕈᓐᓇᖅᑕᒥᓐᓄᑦ.

4.ᖃᓄᐃᖖᒋᑦᑎᐊᖅᑐᓂᒃ ᓄᓇᓕᖃᕐᓂᖅ ᐊᒻᒪᓗ ᐱᕈᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᖅ
ᐃᓕᓐᓂᐊᖅᑐᐃᑦ ᓯᑯᒦᖃᑎᒌᒃᑎᑕᐅᓂᖏᑦ ᑎᒥᖁᑎᖓᑦ ᑮᓇᐅᔭᑎᒍᑦ ᐃᑲᔪᕐᓂᖃᖅᐸᑦᑐᑦ ᐃᓕᕆᐊᖃᖃᑎᒋᔭᒥᓐᓂᒃ ᐊᒻᒪᓗ ᖃᐅᔨᒪᔭᐅᑦᑎᐊᖅᑑᓂᒥᓐᓂᒃ ᐊᑦᑕᑕᖅᓯᒪᓕᖅᑎᑕᐅᖁᓪᓗᒋ5 ᐱᓕᕆᐊᖑᓕᖅᓯᒪᔪᑦ, ᐃᓱᒪᒋᔭᐅᔪᑦ ᐊᒻᒪᓗ ᑮᓇᐅᔭᖁᑎᖃᖅᑎᑦᑎᔨᐅᕙᑦᑐᑦ ᓱᑲᓂᖅᓴᐅᔪᒥᒃ ᐱᓕᕆᐊᖑᑲᐃᓐᓇᖅᑐᑦ ᐃᖏᕐᕋᕙᓪᓕᐊᑎᑕᐅᖁᓪᓗᒋᑦ ᐃᑲᔪᕐᓂᖃᖅᑐᑦ ᓄᓇᓕᐅᔪᐃᑦ ᖃᓄᐃᖖᒋᑦᑎᐊᖅᑑᓂᖏᓂᒃ ᐊᒻᒪᓗ ᐱᕈᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᑎᑦᑎᕙᓐᓂᕐᒥᒃ ᐅᑭᐅᖅᑕᖅᑐᒥ.

5. ᐃᑲᔪᒐᔅᓴᖅᓯᐅᕐᑎ
ᐃᓕᓐᓂᐊᖅᑐᐃᑦ ᓯᑯᒦᖃᑎᒌᒃᑎᑕᐅᓂᖏᑦ (SOI) ᑎᒥᖁᑎᖓᑦ ᑲᔪᓯᑎᑦᑎᓂᐊᖅᐳᑦ ᐃᑲᔪᒐᔅᓴᖅᓯᐅᕐᑐᑎᒃ ᐱᓕᕆᓂᖃᕐᓂᕐᒥᓐᓂᒃ ᐅᑭᐅᖅᑕᖅᑐᒥᐅᑦ ᒪᒃᑯᒃᑐᖏᓄᑦ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑕᐅᓯᒪᔪᓄᑦ, ᐊᒻᒪᓗ ᒫᓐᓇᐅᔪᒥ ᓯᕗᓂᐅᓂᐊᖅᑐᒥᓗ ᐅᑭᐅᖅᑕᖅᑐᒥ ᐱᓕᕆᐊᖃᖃᑎᒋᓪᓗᒋᑦ ᑲᑐᔾᔨᖃᑎᒌᖑᔪᓄᑦ. ᑐᕌᕐᕕᒃᓴᖏᑦ ᐱᑕᖃᓕᖅᑎᑦᑎᓇᓱᐊᕐᒪᑕ ᐊᖏᓂᖅᓴᐅᔪᒥᒃ ᐅᔾᔨᕈᓱᓕᖅᑎᑦᑎᓂᒃᓴᒥᓐᓂᒃ ᑎᒥᖁᑎᐅᔪᑦ ᐱᓕᕆᐊᕆᔭᖏᓂᒃ ᐊᒻᒪᓗ ᐊᐅᓚᔾᔭᐃᒋᐊᕐᓂᕐᒧᑦ ᑮᓇᐅᔭᖁᑎᔅᓴᐅᓕᕋᔭᖅᑐᓂᒃ ᐱᓕᕆᔾᔪᑎᔅᓴᓂᒃ ᓄᓇᓕᐅᔪᒥ ᑲᑐᔾᔨᖃᑎᒌᖑᔪᓂᑦ, ᒐᕙᒪᐅᔪᓂᑦ ᐊᒻᒪᓗ ᓇᖕᒥᓂᖅ ᐱᓕᕆᕝᕕᖃᖅᑐᑎᒃ ᐱᓕᕆᐊᖃᖃᑎᒋᔭᒥᓐᓂᒃ ᐱᓕᕆᐊᖑᑲᐃᓐᓇᖅᑐᓄᑦ ᐃᑲᔪᕈᑎᐅᓪᓗᑎᒃ ᖃᓄᐃᖖᒋᑦᑎᐊᖅᑐᓂᒃ ᓄᓇᓕᖃᕐᓂᕐᒧᑦ ᐊᒻᒪᓗ ᐱᕈᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᑎᑎᓯᕙᓪᓕᐊᓂᕐᒧᑦ.

ᑲᐃᑦᓚᓐ ᐸᐃᑭ SOI-ᑯᓐᓂ ᐱᓕᕆᐊᒧᑦ ᐊᐅᓚᑦᓯᔨᒋᔭᐅᕗᖅ ᐅᑭᐅᖅᑕᖅᑐᒥᐅᑦ ᒪᒃᑯᒃᑐᖏᓄᑦ ᐊᒻᒪᓗ ᐱᓕᕆᐊᖃᖃᑎᒌᑦᑐᓄᑦ ᐱᓕᕆᐊᒧᑦ. ᑲᐃᑦᓚᓐ ᑲᒪᔨᐅᕙᑦᑐᖅ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑕᐅᓯᒪᔪᓕᕆᓂᕐᒥ ᐊᐅᓚᑦᓯᔨᒋᔭᐅᔪᒥᒃ, ᐃᓚᒋᔭᐅᖃᑕᐅᔪᓕᕆᓂᕐᒧᑦ ᐊᒻᒪᓗ ᐋᖅᑭᒃᓱᖅᑕᐅᓯᒪᔪᓕᕆᓂᕐᒧᑦ ᐊᐅᓚᑦᓯᔨᒋᔭᐅᔪᒥᒃ, ᐱᕙᓪᓕᐊᔪᓕᕆᓂᕐᒥ ᐃᓱᒪᑕᐅᔪᒥᒃ ᐊᒻᒪᓗ ᐊᓪᓚᕝᕕᒻᒥ ᐃᓱᒪᑕᕆᔭᐅᔪᒥᒃ ᐱᓕᕆᐊᒥᓐᓂᒃ ᓴᖅᑮᓯᒪᓕᕆᐊᖅᐸᓐᓂᕐᓄᑦ.

ᐱᓕᕆᐊᒧᑦ ᐅᖃᐅᔾᔪᐃᒋᐊᖅᑎᑦ ᑲᑎᒪᔨᕋᓛᖏᑦ ᐃᑲᔪᖅᓯᕙᑦᑐᑦ ᐱᓕᕆᐊᒧᑦ ᐊᐅᓚᑦᓯᔨᒋᔭᐅᔪᑉ ᑕᒪᐃᑎᒍᑦ ᐸᕐᓇᐅᑎᓕᐅᖅᐸᓐᓂᖓᓄᑦ ᐱᕙᓪᓕᐊᑎᑕᐅᓯᒪᓕᒃᑲᓐᓂᖁᓪᓗᒍ ᐊᒻᒪᓗ ᐊᑐᓕᖅᑎᑕᐅᓯᒪᓕᖁᓪᓗᒋᑦ ᐱᓕᕆᐊᖑᔪᑦ. ᒫᓐᓇᐅᔪᒥ ᐱᓕᕆᐊᒧᑦ ᐅᖃᐅᔾᔪᐃᒋᐊᖅᑎᐅᓗᑎᒃ ᑲᑎᒪᔨᕋᓛᑦ ᐅᑯᐊᖑᕗᑦ:

Alumni Stories

SOI Expeditions are just the first step in a life-long journey of discovery. Learn more about our global community of talented and diverse alumni.

Read More

Support SOI

Your support to the SOI Foundation provides youth from around the world with life changing opportunities and the resources to become leaders and global citizens.

Read More

Polar Catalyst

Polar Catalyst is a unique crowd-funding platform for the Polar Regions. Visit Polar Catalyst through the link below and discover which exciting initiatives would benefit from your support!

Read More

Students on Ice is proudly supported by bv02.

This website was made possible by a generous contribution from the Leacross Foundation.