ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᖅ (Alumni Program)

ᐅᖓᑖᓄᑦ 2,500 ᐃᓕᓐᓂᐊᖅᑐᐃᑦ, ᓱᓇᑐᐃᓐᓇᓂᒃ ᖃᐅᔨᓴᖅᑏᑦ, ᐃᓕᓴᐃᔩᑦ, ᐃᓄᑐᖃᐃᑦ, ᓇᖕᒥᓂᖅ ᐱᓕᕆᕝᕕᓐᓄᑦ ᓯᕗᓕᖅᑎᒋᔭᐅᔪᑦ ᐊᒻᒪᓗ ᐃᓱᒪᓕᐅᕈᑎᓕᐅᖅᑎᐅᕙᑦᑐᑦ ᐃᓚᒋᔭᐅᖃᑕᐅᖃᑦᑕᖅᓯᒪᓕᖅᐳᑦ SOI-ᑯᑦ ᐅᒥᐊᕐᔪᐊᒃᑯᑦ ᖃᐅᔨᓴᐃᓂᖃᖃᑦᑕᖅᑎᑦᑎᓂᖓᓐᓄᑦ 2000 ᐅᑭᐅᖓᓂᑦ ᐱᒋᐊᖅᑐᑎᒃ. ᓇᓗᓇᐃᖅᑕᐅᓯᒪᓕᕐᐳᕐᓗ ᐃᓚᒋᔭᐅᖃᑕᐅᕙᑦᑐᑦ ᖃᐅᔨᓴᕐᓂᖅ ᐃᓱᓕᓯᒪᓕᖅᑎᓪᓗᒍ ᐊᖏᕐᕋᕆᐊᓯᕙᒻᒪᑕ ᐱᓕᕆᓂᖃᖃᑕᐅᓕᕈᒪᓪᓗᑎᒃ ᐊᒻᒪᓗ ᐱᔪᓐᓇᐅᑎᑖᖅᓯᒪᓕᖅᑐᑎᒃ ᓈᒻᒪᒃᑐᑎᒍᑦ ᐊᓯᔾᔩᒋᐊᕐᓂᖃᓕᖅᑎᑦᑐᓐᓇᕐᓂᕐᒥᓐᓂᒃ ᓇᖕᒥᓂᖅ ᐃᓅᓯᕐᒥᓐᓂ, ᓄᓇᓕᒋᔭᒥᓐᓂ, ᓄᓇᕐᔪᐊᕆᔭᒥᓐᓂ ᐊᒻᒪᓗ ᓯᓚᕐᔪᐊᓕᒫᒥᑦᑕᐅᖅ.
ᓯᓚᑦᑐᖅᓴᖅᕕᒻᒥ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᓕᕆᐊᒥᒃᑎᒍᑦ, SOI-ᑯᑦ ᐃᑲᔪᖅᓯᓂᖃᐃᓐᓇᖅᐸᒃᑐᑦ ᐃᓕᓐᓂᐊᕌᓂᒍᑎᖃᖅᓯᒪᔪᓂᒃ ᐱᕈᖅᐸᓪᓕᐊᑎᑦᑏᓐᓇᖁᓪᓗᒋᑦ ᐊᒻᒪᓗ ᐱᕙᓪᓕᐊᓂᖃᐃᓐᓇᖁᓪᓗᒋᑦ ᐊᒻᒪᓗ ᐱᓕᕆᐊᕆᓕᖅᓯᒪᔭᖏᑎᒍᑦ.

ᑕᐃᒪᖖᒐᓂᑦ ᐱᒋᐊᕐᖓᖅᑎᑕᐅᓯᒪᓕᕋᒥᒃ SOI-ᑯᑦ ᐃᓕᓐᓂᐊᕌᓂᒍᑎᖃᖅᓯᒪᔪᓂᒃ ᐃᑲᔪᖅᓯᖃᑦᑕᕐᓯᒪᕗᑦ ᐊᑐᐃᓐᓇᐅᓕᖅᑎᑦᑎᓯᒪᓂᕐᒥᒃᑎᒍᑦ ᐊᑦᑕᑕᖅᓯᒪᔪᓐᓇᕐᓂᖏᑕ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐊᒻᒪᓗ ᐃᓕᓐᓂᐊᕌᓂᒍᑎᖃᖅᓯᒪᔪᓪᓗ ᑐᑭᒧᐊᒃᑎᖏᔭᐅᔪᓪᓗ, ᐊᑐᐃᓐᓇᐅᑎᑦᑎᓂᕐᒥᒃᑎᒍᑦ ᓇᖕᒥᓂᖅ ᐃᑲᔪᖅᑎᖃᖅᐸᓐᓂᕐᒧᑦ ᐃᓕᓐᓂᐊᕌᓂᒍᑎᖃᖅᓯᒪᔪᓂᒃ ᓯᕗᓕᖅᑎᖃᖅᑐᑎᒃ ᐱᓕᕆᓂᐅᔪᓂᒃ, ᑐᓴᒐᔅᓴᖁᑎᐅᔪᓂᒃ ᐊᐅᓪᓚᖅᑎᕆᕙᓐᓂᕐᒧᑦ ᐱᔾᔪᑎᖃᖅᑐᓂᒃ ᐃᓕᓐᓂᐊᕈᑎᒋᔭᐅᓕᕈᓐᓇᖅᑐᓂᒃ ᐊᒻᒪᓗ ᓇᖕᒥᓂᖅ ᐱᕈᖅᐸᓪᓕᐊᔾᔪᑎᐅᔪᓐᓇᖅᑐᓂᒃ ᐊᒻᒪᓗ ᐃᓕᓐᓂᐊᕌᓂᒍᑎᖃᖅᓯᒪᔪᐃᑦ ᐊᑦᑕᑕᕐᓯᒪᖃᑎᒌᓕᕈᓐᓇᖅᑎᑕᐅᓪᓗᑎᒃ ᐱᓕᕆᐊᖃᖃᑎᒌᑦᑎᐅᔪᓄᑦ ᐊᒻᒪᓗ ᐃᑲᔪᖅᑎᐅᕙᑦᑐᓄᑦ.

ᖃᐅᔨᒋᐊᕐᓗᒋᑦ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐅᓂᒃᑳᕆᓯᒪᔭᖏᑦ ᑐᑭᓯᒋᐊᒃᑲᓐᓂᕈᑎᒋᓂᐊᕋᓐᓂ SOI-ᑯᓐᓂ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᓕᕆᐊᕆᓯᒪᓕᖅᑕᖏᑦ!

 

ᐊᖏᓪᓕᒋᐊᖅᑎᑦᑎᓂᖅ SOI-ᑯᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᒥᒃ

SOI-ᑯᑦ ᑎᒥᖁᑎᖓᑦ ᒫᓐᓇᐅᔪᖅ ᐋᖅᑭᒃᓱᐃᕙᓪᓕᐊᓂᖃᕐᐳᑦ ᑐᕌᖅᑎᑕᐅᓯᒪᓪᓗᓂ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᖑᓂᐊᖅᑐᒥᒃ, ᐋᖅᑭᒃᓱᖅᑕᐅᓯᒪᓂᖃᖅᑐᒥᒃ ᐃᑲᔪᕈᑎᐅᓕᕐᓂᐊᕐᓗᓂ SOI-ᑯᓐᓂ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᓕᕆᐊᖃᕆᐊᕈᓐᓇᕐᓂᖏᓂᒃ ᐊᒻᒪᓗ ᐱᓕᕆᔨᖖᒍᖁᓪᓗᒋᑦ ᓈᒻᒪᑦᑎᐊᖅᑐᑎᒍᑦ ᐊᓯᔾᔩᓯᒪᓕᖅᑎᑦᑎᓂᕐᓄᑦ. ᑖᓐᓇ ᑐᕌᖅᑎᑕᐅᓯᒪᓪᓗᓂ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᖅ ᐱᕈᖅᐸᓪᓕᐊᔾᔪᑎᐅᓕᕐᓂᐊᕐᒪᑦ ᒪᑯᓂᖓ ᐱᔾᔪᑎᓗᐊᖅᑐᓂᒃ ᐱᓕᕆᐊᕆᔭᖏᓂ:

SOI-ᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑐᓴᒐᔅᓴᖅᑖᕐᕕᖓᑦ
SOI-ᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑐᓴᒐᔅᓴᖅᑖᕐᕕᖓᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑲᑎᑦᑕᕐᕕᐅᕗᖅ ᐱᓯᒪᓕᕐᕕᒃᓴᐅᓪᓗᓂ ᐱᓯᒪᓕᕆᐊᖃᖅᑕᖏᓂᒃ. ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐃᒻᒥᓐᓄᑦ ᓇᓗᓇᐃᔭᐅᑎᒥᓐᓂᒃ ᐋᖅᑭᒃᓱᐃᕙᓪᓕᐊᕝᕕᐅᔪᓐᓇᕐᒪᑦ ᐊᐅᓚᑦᓯᕝᕕᐅᔪᓐᓇᖅᑑᓪᓗᓂᓗ, ᕿᓂᕐᕕᐅᔪᓐᓇᖅᑑᓪᓗᓂᓗ ᐊᒻᒪᓗ ᕿᒥᕐᕈᕝᕕᐅᔪᓐᓇᖅᑐᓂ ᐊᓯᖏᓂᒃ ᐃᓕᓐᓂᐊᕌᓂᒍᑎᖃᖅᓯᒪᔪᓂᒃᑕᐅᖅ ᐊᒻᒪᓗ ᐊᑦᑕᑕᖅᓯᒪᓕᕐᕕᐅᔪᓐᓇᖅᑐᓂ ᐃᓕᓐᓂᐊᕌᓂᒍᑎᖃᖅᓯᒪᔫᖃᑎᒥᓐᓄᑦ ᐱᓕᕆᓂᖃᕈᒪᕙᒻᒥᔪᓄᑦ ᐊᔾᔨᖏᓂᒃ.

SOI-ᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑐᓴᒐᔅᓴᖅᑖᕐᕕᖓᑦ
ᑐᓴᒐᔅᓴᖅᑖᕐᕕᖓᑦ ᑐᖖᒐᕝᕕᖃᓕᖅᑎᑦᑎᒻᒪᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᕈᖅᑎᑦᑎᕙᓪᓕᐊᔪᓐᓇᕐᓂᖏᓄᑦ ᐊᒻᒪᓗ ᑲᒪᒋᔭᖃᕈᓐᓇᕐᓂᖏᓄᑦ ᓄᓇᓕᐅᔪᒥ ᓇᖕᒥᓂᖅ ᑐᑭᓯᒋᐊᕐᕕᒃᓴᖁᑎᐅᕙᑦᑐᓂᒃ ᖃᓄᐃᓕᐅᖅᑎᑦᑎᓂᐅᕙᑦᑐᓄᑦ, ᑐᓴᒐᔅᓴᖁᑎᓄᑦ ᐊᒻᒪᓗ ᐱᓕᕆᓂᖃᓕᕐᕕᐅᔪᓐᓇᖅᑐᓄᑦ ᐃᓕᓐᓂᐊᕈᑎᒥᓐᓂ ᐊᒻᒪᓗ/ᐅᕝᕙᓘᓐᓃᑦ ᐃᖅᑲᓇᐃᔮᕆᔭᒥᓐᓂ ᐱᕙᓪᓕᐊᑎᑦᑎᕙᓐᓂᕐᓂ, ᐊᒻᒪᓗ ᑮᓇᐅᔭᖁᑎᔅᓴᖅᑖᕐᕕᐅᔪᓐᓇᖅᑐᓄᑦ. SOI-ᑯᑦ ᐃᓕᓐᓂᐊᕌᓂᒃᓯᒪᔪᓄᑦ ᐱᓕᕆᐊᒧᑦ ᐊᐅᓚᑦᓯᔨᖓ ᑲᒪᔨᐅᕗᖅ ᐱᐅᑦᑎᐊᖅᑑᓪᓗᑎᒃ ᓱᓕᓪᓗᑎᒃ ᑐᑭᓯᒋᐊᕐᕕᒃᓴᖁᑎᐅᔪᓂᒃ ᐊᒻᒪᓗ ᐱᓕᕆᓂᖃᓕᕐᕕᐅᔪᓐᓇᖅᑐᓂᒃ ᓴᖅᑭᑉᐸᒃᑐᓂᒃ SOI-ᑯᑦ ᐱᓕᕆᐊᖃᖃᑎᒌᓐᓂᖏᓂ ᓴᖅᑭᑎᑕᐅᓯᒪᓕᖅᑎᑦᑎᕙᒃᑐᓂ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᑐᓴᒐᔅᓴᖅᑖᕐᕕᖓᓐᓂ.

ᑭᖑᓪᓕᕐᒥᒃᓕ ᑕᒡᕙᑑᖖᒋᒃᑲᓗᐊᕐᒥᑎᓪᓗᒋᑦ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᓇᓂᓯᔪᓐᓇᖅᐳᑦ ᑲᑎᖅᓱᐊᖑᓯᒪᔪᓂᒃ ᑐᕌᖓᑎᑕᐅᓯᒪᓂᖃᖅᑐᑎᒃ ᓴᓇᕐᕈᑎᔅᓴᓂᒃ ᑐᓴᒐᔅᓴᖅᑖᕐᕕᖓᓐᓂ, ᓲᕐᓗ ᒪᑯᓂᖓ:

ᓴᖅᑭᑎᑦᑎᓂᐊᕐᓂᕐᒥ ᓴᓇᕐᕈᑎᔅᓴᑦ, ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᓴᓇᕐᕈᑎᔅᓴᓂᒃ ᐱᑕᖃᖅᑎᑦᑎᓯᒪᓪᓗᑎᒃ ᐋᖅᑭᒃᓱᐃᕙᓪᓕᐊᔾᔪᑎᔅᓴᓂᒃ ᓴᖅᑭᑎᓐᓂᐊᖅᑕᒥᓐᓂᒃ ᐊᒻᒪᓗ ᐱᐅᓪᓚᕆᒃᑐᒃᑯᑦ ᓴᖅᑮᓂᖃᓕᕈᓐᓇᖁᓪᓗᒋᑦ SOI-ᑯᑦ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖅᓯᒪᓂᖏᓂ ᐃᓚᐅᓂᕆᓚᐅᖅᑕᒥᓐᓂᒃ;

ᑐᓴᒐᔅᓴᓕᕆᓂᕐᒧᑦ ᓴᓇᕐᕈᑎᔅᓴᑦ, ᐃᓗᓕᖃᕐᐳᑦ ᐸᕐᓇᐅᑎᓕᐊᖑᕝᕕᐅᔪᓐᓇᖅᑐᓂᒃ ᐊᒻᒪᓗ ᓴᓇᕐᕈᑎᔅᓴᓂᒃ ᐅᔾᔨᕆᔭᐅᓕᖅᑎᑕᐅᖁᓪᓗᒍ ᑐᓴᒐᔅᓴᓕᕆᔨᓂᖖᒑᖅᑐᓂᒃ ᐊᒻᒪᓗ ᐱᓕᕆᖃᑎᖃᕈᓐᓇᕐᓂᕐᒧᑦ ᑐᓴᒐᔅᓴᓕᕆᔨᐅᕙᑦᑐᓂᒃ.

ᑮᓇᐅᔭᖁᑎᔅᓴᓂᒃ ᐱᓯᒪᓕᕋᓱᐊᕐᓂᕐᒥ ᓴᓇᕐᕈᑎᔅᓴᐃᑦ, ᑐᑭᒧᐊᒍᑎᔅᓴᓂᒃ ᐊᒻᒪᓗ ᓴᓇᕐᕈᑎᔅᓴᓂᒃ ᐃᓗᓕᖃᖅᑐᑦ ᑮᓇᐅᔭᖁᑎᔅᓴᓂᒃ ᐱᓯᒪᓕᕋᓱᐊᖅᐸᓐᓂᕐᒥ ᐱᓕᕆᐊᖑᑲᐃᓐᓇᖅᑐᓄᑦ ᐱᓕᕆᐊᖑᔪᓄᓪᓗ ᐊᑐᖅᑕᐅᔪᔅᓴᓂᒃ.

ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᒧᑦ ᑐᓴᖅᑎᑕᐅᒋᐊᒃᑲᓐᓂᕈᒪᔪᑦ ᒫᓐᓇᐅᔪᒥ ᐋᖅᑭᒃᓱᖅᑕᐅᕙᓪᓕᐊᔪᓄᑦ ᐅᕝᕙᓘᓐᓃᑦ ᐃᓚᒋᔭᐅᖃᑕᐅᔪᒪᔪᑦ ᐋᖅᑭᒃᓱᐃᕙᓪᓕᐊᓂᕐᓄᑦ, ᖃᐅᔨᒋᐊᕈᓐᓇᖅᐳᑦ ᔭᔅᑎᓐ ᑎᐅᕆᖕᒥᑦ, SOI-ᑯᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐊᐅᓚᑦᓯᔨᒋᔭᐅᔪᒥᑦ ᐅᕘᓇ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᑉᑎᓐᓂ ‘ᖃᐅᔨᒋᐊᕐᕕᒋᓗᑕ’ ᒪᒃᐱᕋᖓᓂ.

ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑎᑎᖅᑲᖁᑏᑦ ᐱᔨᑦᑎᕋᕕᐅᓂᖏᑦ
ᐃᓕᓐᓂᐊᕌᓂᒍᑎᖃᖅᓯᒪᔪᑦ ᑎᑎᖅᑲᖁᑎᑎᒍᑦ ᐱᔨᑦᑎᕋᕐᕕᐅᔪᓐᓇᖅᐳᑦ ᐱᓯᒪᓕᖅᑎᑕᐅᔪᒪᒍᑎᒃ ᐊᒻᒪᓗ ᐊᐅᓪᓚᖅᑎᑦᑎᔪᒪᒍᑎᒃ ᑐᓴᒐᔅᓴᓂᒃ ᐊᒻᒪᓗ ᑐᓴᒐᔅᓴᖁᑎᓂᒃ ᐱᓕᕆᓂᖃᕐᕕᐅᓕᕈᓐᓇᖅᑐᓄᑦ ᐊᑐᕐᓂᖃᕋᔭᖅᑐᑎᒃ ᐃᓕᓐᓂᐊᕌᓂᒍᑎᖃᖅᓯᒪᔫᖃᑎᒌᒃᑎᓄᑦ. ᐃᓚᒋᔭᐅᖃᑕᐅᓕᕐᓂᖅ ᐱᓯᒪᓕᖅᐸᒃᑐᓂᑦ ᑎᑎᖅᑲᖁᑏᑦ ᐱᔨᑦᑎᕋᕐᕕᐅᓂᖏᓄᑦ ᕿᓚᒥᐅᓂᖅᓴᖅ ᐊᑦᑕᑕᖅᓯᒪᐃᓐᓇᕈᓐᓇᕋᔭᕐᒪᑕ ᐅᕝᕙᓘᓐᓃᑦ

ᐱᓕᕆᖃᑎᒌᒃᑎᖏᑦ ᐃᓕᓐᓂᐊᕌᓂᒍᑎᖃᖃᑎᒌᒃᓯᒪᔪᑦ
SOI-ᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑐᓴᒐᔅᓴᖅᑖᕐᕕᖓᑦ ᑐᓴᐅᒪᖃᑦᑕᐅᑎᔾᔪᑎᐅᕙᒻᒪᑦ ᐊᒻᒪᓗ ᑐᓴᒐᔅᓴᖁᑎᒋᔭᒥᓐᓂᒃ ᐊᒥᖅᑲᖃᑎᒌᕝᕕᐅᕙᒃᑐᓂ, ᐃᓕᓐᓂᐊᕌᓂᒍᑎᖃᖃᑎᒌᒃᓯᒪᔪᑦ ᐱᓕᕆᖃᑎᒌᒃᑎᖏᑦ ᐋᖅᑭᒃᓱᐃᓯᒪᓕᖅᐸᒻᒪᑕ ᓄᓇᓕᒋᔭᒥᓐᓂᒃ ᖃᓄᐃᓕᐅᖅᑎᑦᑎᓂᐅᓂᐊᖅᑐᓂᒃ ᐊᒻᒪᓗ ᐊᓯᖏᓂᒃ ᐱᓕᕆᐊᖃᕐᕕᐅᓕᕈᓐᓇᖅᑐᓂᒃ ᐱᕈᖅᑎᑦᑎᒋᐊᕈᑎᔅᓴᓂᒃ ᐊᒻᒪᓗ ᓇᖕᒥᓂᖅ ᐊᑦᑕᑕᖅᓯᒪᕝᕕᐅᓕᕈᓐᓇᖅᑐᓂᒃ. ᐊᕕᒃᑐᖅᓯᒪᓂᐅᔪᒥ ᐋᖅᑭᒃᓱᐃᔨᒋᔭᐅᔪᖅ ᐊᐅᓚᑦᑎᔨᐅᕙᒃᑐᖅ ᐊᑐᓂ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᓕᕆᐊᖃᖃᑎᒌᑦᑎᒋᔭᖏᓂᒃ.

ᐃᓕᓐᓂᐊᕌᓂᒍᑎᖃᖅᓯᒪᔪᑦ ᑐᑭᒧᐊᒃᑎᒋᔭᐅᕙᓐᓂᖏᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᖅ
SOI-ᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐃᓅᖃᑎᒌᑦᑐᑦ ᐱᑕᖃᐅᒻᒪᕆᒻᒪᑦ ᐱᐅᓪᓚᕆᒃᑐᓂᒃ ᐃᓱᒪᒋᓗᒋᑦ ᖃᐅᔨᒪᓂᖏᑦ, ᐊᔪᖖᒋᓐᓂᖏᑦ ᐊᒻᒪᓗ ᐱᓕᕆᐊᖃᖅᓯᒪᓂᖏᑦ ᑐᕌᖓᓪᓗᑎᒃ ᐅᑭᐅᖅᑕᖅᑐᒥᐅᑦ ᐊᕕᒃᑐᖅᓯᒪᓂᖏᓄᑦ, ᓱᓇᑐᐃᓐᓇᓂᒃ ᖃᐅᔨᓴᕐᓯᒪᓂᕐᓄᑦ, ᐱᐅᓯᑐᖃᕆᔭᐅᔪᓄᑦ, ᓯᕗᓕᖅᑎᐅᔪᓄᑦ, ᒐᕙᒪᓕᕆᓂᕐᓄᑦ, ᒐᕙᒪᐅᔪᓄᑦ, ᓇᖕᒥᓂᖅ ᐱᓕᕆᕝᕕᖃᖅᑐᓄᑦ ᑐᑭᒧᐊᒃᑎᖃᖅᑎᑦᑎᓕᕐᓂᕐᒧᑦ ᓴᖖᒋᓂᖃᖅᑐᒻᒪᕆᒃᑎᒍᑦ ᐱᓯᒪᓕᕐᕕᐅᔪᓐᓇᕐᒪᑦ ᐊᒥᓱᐊᓗᓐᓂᒃ ᐃᑲᔪᖅᑕᐅᓯᒪᕝᕕᐅᓕᕈᓐᓇᖅᑐᓂᒃ. ᐱᐅᓪᓚᕆᒃᑑᓂᖓ ᑐᑭᒧᐊᒃᑎᐅᕙᓐᓂᐅᑉ ᒪᕐᕈᐃᓕᖓᒻᒪᑕ: ᐃᓕᑦᓯᕝᕕᐅᔪᓐᓇᑦᑎᐊᖅᑑᓪᓗᓂ ᑕᒪᒃᑭᓐᓂᑦ ᑐᑭᒧᐊᒃᑎᖃᖅᑎᐅᔪᑉ ᐊᒻᒪᓗ ᑐᑭᒧᐊᒃᑎᑦᑎᔨᒋᔭᐅᔪᒧᑦ. ᐃᓕᓐᓂᐊᕌᓂᒍᑎᖃᖅᓯᒪᔪᑦ ᑐᑭᒧᐊᒃᑎᒋᔭᐅᕙᓐᓂᖏᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᐱᓕᕆᐊᖓᑦ ᐃᑲᔪᕈᑎᐅᕙᒻᒪᑦ ᐊᑦᑕᑕᖅᓯᒪᓕᖅᑎᑕᐅᕙᓐᓂᖏᑕ ᐃᓕᓐᓂᐊᕌᓂᒃᓯᒪᒍᑎᖃᖅᑐᑦ ᑐᑭᒧᐊᒃᑎᐅᔪᑦ ᐊᒻᒪᓗ ᑐᑭᒧᐊᒃᑎᖃᖅᑎᐅᔪᓄᑦ ᐊᒻᒪᓗ ᐃᑲᔪᕈᑎᐅᕙᒃᑐᓂ ᓇᖕᒥᓂᖅ ᐃᓅᓯᕐᒥᓂ, ᐊᔪᖖᒋᓐᓂᕆᔭᒥᓂ, ᐃᓕᓐᓂᐊᕈᑎᒥᓂ ᐊᒻᒪᓗ ᐃᖅᑲᓇᐃᔮᕆᔭᒥᓂ ᐱᕙᓪᓕᐊᑎᑦᑎᓂᐅᕙᒃᑐᓄᑦ.

ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑭᒡᒐᖅᑐᖅᑎ ᐱᓕᕆᐊᖅ
ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑭᒡᒐᖅᑐᖅᑎᐅᑉ ᐱᓕᕆᐊᖅ ᐊᑐᐃᓐᓇᐅᑎᑦᑎᓯᒪᒻᒪᑦ ᐱᓕᕆᐊᖃᕐᕕᐅᓕᕈᓐᓇᖅᑐᒥᒃ ᐱᓯᒪᓕᕋᓱᓪᓗᓂ ᐊᒻᒪᓗ ᐊᔪᕈᓐᓃᖅᓴᕈᑎᖃᕐᓂᐊᕐᓗᓂ ᓴᖅᑭᑎᓯᒪᓕᕐᓂᐊᖅᑕᒥᓐᓂᒃ ᐊᒻᒪᓗ ᐱᔾᔪᑎᖃᖅᑎᐅᓕᖁᓐᓇᕐᓂᕐᒧᑦ ᐊᔪᖖᒋᓐᓂᕆᔭᒥᓐᓂᒃ. ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑭᒡᒐᖅᑐᕐᑎᐅᔪᑦ ᐱᔾᔪᑎᖃᖅᑎᒋᔭᐅᕙᒻᒪᑕ SOI-ᑯᓐᓄᑦ ᓄᓇᓕᐅᔪᒥ ᖃᓄᐃᓕᐅᖅᑎᑦᑎᓂᖃᖅᑎᓪᓗᒋᑦ, ᐃᓕᓐᓂᐊᕐᕕᓐᓂ ᑲᑎᓐᓂᖃᖅᓯᒪᑎᓪᓗᒋᑦ, ᐃᖅᑲᓇᐃᔭᕐᕕᐅᔪᐃᑦ ᑕᑯᔭᔅᓴᖃᖅᑎᑦᑎᑎᓪᓗᒋᑦ ᐊᒻᒪᓗ ᐊᓯᖏᓂᒃ ᖃᓄᐃᓕᐅᖅᑎᑦᑎᓂᕐᓄᑦ. SOI-ᑯᑦ ᐱᓕᕆᐊᖃᕐᓂᖅᑎᒍᑦ ᐃᑲᔪᖅᓯᔨᐅᕙᒃᑐᑦ ᐃᓕᓐᓂᐊᕌᓂᒍᑎᖃᖅᓯᒪᔪᓄᑦ ᑭᒡᒐᖅᑐᕐᑎᒋᔭᐅᔪᓄᑦ ᐱᓕᒻᒪᒃᓴᐃᓂᖃᖅᑎᓪᓗᒋᑦ ᐊᒻᒪᓗ ᐃᑲᔪᖅᑐᐃᔨᐅᕙᒃᑎᓪᓗᒋᑦ.

ᑖᒃᑯᐊ ᒥᒃᓵᓄᑦ ᑐᑭᓯᒋᐊᒃᑲᓐᓂᖅᑎᑕᐅᔪᒪᔪᑦ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᓕᕆᐊᖓᓐᓄᑦ ᐋᖅᑭᒃᓱᖅᑕᐅᕙᓪᓕᐊᔪᓄᑦ ᐅᕝᕙᓘᓐᓃᑦ ᖃᓄᖅ ᐃᓚᖏᔭᐅᖃᑕᐅᓕᕈᓐᓇᕐᓂᕐᒧᑦ, ᖃᐅᔨᒋᐊᕈᓐᓇᖅᐳᑦ ᔭᔅᑎᓐ ᑎᐅᕆᖕᒥᑦ, SOI-ᑯᑦ ᐃᓕᓐᓂᐊᕐᓂᓕᕆᓂᕐᒥ ᐊᒻᒪᓗ ᐃᓕᓐᓂᐊᕌᓂᒍᑎᖃᖅᓯᒪᔪᓕᕆᓂᕐᒧᑦ ᐊᐅᓚᑦᓯᔨᒋᔭᐅᔪᒥᑦ ᐅᕙᓂ conor@studentsonice.com.

ᐊᓯᖏᓐᓄᓪᓗ. ᐋᖅᑭᒃᓱᐃᓯᒪᓕᕐᓂᖅ

Alumni Stories

SOI Expeditions are just the first step in a life-long journey of discovery. Learn more about our global community of talented and diverse alumni.

Read More

Project Successes

The SOI Foundation inspires, supports and catalyses projects and initiatives that benefit the Polar Regions. Check out some of the Foundation’s projects!

Read More

Meet our Educators

A global team of scientists, elders, artists, musicians, historians, and industry leaders who help to foster a deeper understanding and appreciation for the Polar Regions through cross-disciplinary learning.

Read More

Students on Ice is proudly supported by bv02.

This website was made possible by a generous contribution from the Leacross Foundation.