ᐅᒥᐊᕐᔪᐊᒃᑯᑦ ᖃᐅᔨᓴᕆᐊᕐᓂᕐᒥ ᐃᖏᕐᕋᓂᖅ ᐊᒻᒪᓗ ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᑐᓴᒐᔅᓴᐃᑦ (Travel and Medical Information)

ᐅᐊᔭᕐᓂᐊᕐᓗᓂ ᑎᑎᖅᑲᖁᑏᑦ

ᑕᒪᕐᒥᒃ ᐃᓚᒋᔭᐅᖃᑕᐅᔪᐃᑦ ᒫᓐᓇᒧᑦ ᑎᑭᑎᑕᐅᓯᒪᓪᓗᑎᒃ ᐊᑐᖅᑕᐅᔪᓐᓇᖅᑐᓂᒃ ᓄᓇᕐᔪᐊᑉ ᐊᓯᐊᓄᑦ ᐃᑎᕈᓐᓇᐅᑎᓂᒃ ᐱᓯᒪᕙᒌᕆᐊᖃᕐᓂᐊᖅᑐᑦ ᐊᑐᖅᑕᐅᔪᓐᓇᕐᓂᐊᕐᓗᑎᒃ 6-ᓄᑦ ᑕᖅᑭᓄᑦ ᖃᐅᔨᓴᕐᓂᖅ ᐃᓱᓕᓯᒪᓕᕐᕕᐊᓂᑦ.

ᐃᓚᒋᔭᐅᖃᑕᐅᔪᑦ ᐅᔾᔨᖅᓱᑦᑎᐊᕋᓱᓪᓗᑎᒃ ᐱᓯᒪᕙᒌᕋᓱᒋᐊᖃᖅᐳᑦ ᓄᓇᕐᔪᐊᑉ ᐊᓯᐊᓄᑦ ᐃᑎᕈᓐᓇᐅᑎᒋᔭᐅᕙᑦᑐᓂᒃ ᑎᑎᖅᑲᓂᒃ ᐃᓚᒋᔭᐅᖃᑕᐅᓂᐊᕈᑎᒃ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑎᒌᑦᑐᓄᑦ. ᐅᑭᐅᖅᑕᖅᑐᒧᑦ ᖃᐅᔨᓴᐃᔭᕐᑐᕐᓂᐊᖅᓄᑦ, ᑲᓇᑕᒥᐅᑕᐅᖖᒋᒃᑯᕕᑦ ᑎᑎᖅᑲᖁᑎᖃᕆᐊᖃᕐᓂᐊᖅᐳᑎᑦ ᕖᓴᓂᒃ ᑎᑎᖅᑲᓂᒃ ᑲᓇᑕᐅᑉ ᓄᓇᕐᔪᐊᖓᓄᑦ ᐃᑎᕈᓐᓇᐅᑎᓂᒃ. ᐋᓐᐋᒃᑎᑲᒧᓪᓕ ᖃᐅᔨᓴᐃᔭᕐᑐᕐᓂᐊᖅᑐᓄᑦ, ᖃᖓᑕᓲᒃᑯᑦ ᐊᒥᐊᓕᑲᒥᐅᑦ ᐊᖅᑯᓵᕐᓗᑎᒍ ᐃᖏᕐᕋᓂᐊᕋᑦᑕ ᐃᓚᖃᖅᑎᓪᓗᒋᑦ ᐊᒥᓱᕐᓚᐅᔪᓂᒃ ᓄᓇᕐᔪᐊᕆᔭᐅᒻᒥᔪᓂᒃ ᓴᐅᔅ ᐊᒥᐊᕆᑲᒥ, ᑎᑎᖅᑲᓂᒃ ᐃᑎᕈᓐᓇᐅᑎᓂᒃ ᐱᓯᒪᔭᕆᐊᖃᖅᑎᑕᐅᔪᓐᓇᖅᓗᓯ. ᐃᑲᔪᕐᑐᖅᐸᕗᑦ ᐃᓚᒋᔭᐅᖃᑕᐅᔪᐃᑦ ᓇᓗᓇᐃᖅᓯᓯᒪᖃᑎᖃᓕᖁᓪᓗᒋᑦ ᑭᒡᒐᖅᑐᖅᑎᒋᔭᐅᔪᓂᒃ ᓄᓇᕐᔪᐊᕐᒥᓐᓄᑦ ᐅᕝᕙᓘᓐᓃᑦ ᑲᑎᒪᔨᒋᔭᐅᓪᓗᑎᒃ ᐱᓕᕆᐊᖃᕐᑎᕐᔪᐊᕆᔭᐅᔪᓂᒃ ᐊᒻᒪᓗ ᐃᖅᑲᐅᒪᔪᓐᓇᖅᓯᓯᒪᓕᕆᐊᕐᓗᒋᑦ ᓇᖕᒥᓂᖅ ᐃᑎᕈᓐᓇᐅᑎᒋᓂᐊᖅᑕᑎᑦ ᐊᒻᒪᓗ ᐊᐅᓪᓚᖅᐸᓪᓕᐊᓂᕐᓂ ᖃᓄᐃᑦᑐᒃᑰᕆᐊᖃᕐᓂᐊᕐᓂᑎᑦ. ᖃᐅᔨᒪᑦᑎᐊᖖᒋᒃᑯᓐᓂ ᑕᒪᒃᑯᐊ, ᐅᕙᑦᑎᓐᓂᑦ ᖃᐅᔨᒋᐊᕐᕕᖃᕈᓐᓇᖅᐳᑎᑦ ᑐᑭᒧᐊᒍᑎᔅᓴᖃᖅᑎᑦᑎᔪᓐᓇᕐᓂᐊᕋᑦᑕ.

ᓇᓪᓕᐅᒃᑯᒫᑦ ᐃᓐᓱᐊᕋᓐᓰᑦ

ᓇᖕᒥᓂᖅ ᐅᐊᔭᕐᓂᐊᕐᓗᓂ ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᓇᓪᓕᐅᒃᑯᒫᑎᑦ ᐃᓐᓱᐊᕋᓐᓰᑦ (ᐃᓚᖃᖅᑎᓪᓗᒋᑦ ᑐᐊᕕᐅᕐᓇᖅᑐᓕᕆᔨᑎᒍᑦ ᐋᓐᓂᐊᕐᕕᒻᒧᑦ ᐊᒃᔭᖅᑕᐅᔭᕆᐊᖃᕐᓂᕈᕕᑦ) ᐱᓯᒪᔭᐅᔭᕆᐊᖃᖅᑎᑕᐅᕗᑦ ᑕᒪᐃᓄᑦ ᐃᓚᒋᔭᐅᖃᑕᐅᓂᐊᖅᑐᓄᑦ. ᒥᑭᓂᖅᐸᐅᓪᓗᑎᒃ ᓇᓪᓕᐅᒃᑯᒫᑦ ᐊᑭᖃᖅᑐᑦ $100,000 USD ᐊᑭᓕᖅᑕᐅᓯᒪᔭᕆᐊᓖᑦ ᐋᓐᓂᐊᖃᕐᓇᖖᒋᑦᑐᓕᕆᓂᕐᒥ ᑐᐊᕕᐅᕐᓇᖅᓯᓯᒪᔪᖃᕋᔭᖅᐸᑦ, ᐃᓚᖃᖅᑎᑕᐅᓪᓗᑎᒃ “ᖃᖓᑕᓲᒃᑯᑦ ᐊᒃᔭᖅᓯᔨᒋᔭᐅᔪᑦ ᐋᓐᓂᐊᖃᕐᓇᖖᒋᑦᑐᓕᕆᔨᓂᑦ.” ᐅᐊᔭᕐᓂᕐᒥ ᓇᓪᓕᐅᒃᑯᒫᒋᔭᐅᕙᑦᑐᑦ ᐃᓐᓱᐊᕋᓐᓰᑦ (ᐃᓚᖃᖅᑎᓪᓗᒋᑦ ᐊᑭᓕᐅᑎᖃᖅᓯᒪᓂᕐᒧᑦ ᓄᖅᑲᖅᑎᑦᑎᔾᔪᑎᓂᒃ ᐊᑭᓕᖅᑐᐃᕙᓪᓕᐊᔾᔪᑎᓄᑦ ᐊᒻᒪᓗ ᐱᖁᑎᒋᔭᖏᑦ ᐊᓯᐅᔨᔭᐅᒃᐸᑕ, ᐊᓯᖏᓄᓪᓗ) ᐊᑭᓕᖅᑕᐅᓯᒪᔪᓐᓇᕐᒥᔪᑦ.

ᐅᐊᔭᕐᓂᐊᕐᓗᓂ ᓇᓪᓕᐅᒃᑯᒫᑦ ᐃᓐᓱᐊᕋᓐᓰᑦ ᓂᐅᕕᖅᑕᐅᔪᓐᓇᖅᐳᑦ $75-ᑐᕐᓗᑎᒃ ᐊᔾᔨᒌᖖᒋᐅᖅᑐᓂᑦ ᓂᐅᕕᐊᒃᓴᖃᖅᐸᒃᑐᓂᑦ. ᐃᓱᒪᓕᐅᕈᑎᒋᕙᖅᐳᑦ ᐅᖃᖃᑎᖃᖁᔨᓪᓗᑕ ᐅᐊᔭᖅᐸᑦᑐᓄᑦ ᖃᐅᔨᒪᔨᒻᒪᕆᐅᔪᒥᒃ ᐱᔾᔪᑎᒋᓗᒋᑦ ᓇᓪᓕᐅᒃᑯᒫᖅᑖᕐᕆᔭᐅᕙᑦᑐᓄᑦ.

ᐋᓐᓂᐊᖃᓕᖅᑕᐃᓕᒪᓂᖅ

ᐃᓚᒋᔭᐅᖃᑕᐅᔪᑦ ᕿᑎᕐᐸᓯᐊᓃᑦᑐᓄᑦ ᑎᒥᒥᒃᑎᒍᑦ ᐅᐊᔭᕈᓐᓇᕐᓂᖃᕐᓗᑎᒃ ᖃᓄᐃᓕᐅᕈᓐᓇᕐᓂᖃᕆᐊᓖᑦ, ᓲᕐᓗ ᐱᓱᒋᐊᖅᓯᒪᖃᑕᐅᔪᓐᓇᖅᑑᓗᑎᒃ. ᐅᓪᓗᓂ ᑕᕆᐅᒥ ᐅᒥᐊᕐᔪᐊᕐᒦᓐᓂᖏᓂ, ᑕᕆᐅᖅ ᐃᖏᐅᓕᓕᕈᓐᓇᕐᒪᑦ ᐃᑭᒪᓂᖏᓂ ᐅᒥᐊᕐᔪᐊᕐᒥ ᒥᕆᐊᖖᒍᖃᑦᑕᓕᕈᓐᓇᕐᒪᑕ. ᐃᓛᓗ ᐅᒥᐊᕐᔪᐊᒃᑯᑦ ᖃᐅᔨᓴᐃᔭᖅᑐᕐᓯᒪᕙᒃᑲᓗᐊᖅᑎᓪᓗᑕ ᐊᐅᔭᐅᓂᖓᓂ, ᖃᐅᑕᒫᑦ ᓯᓚᐅᑉ ᓂᓪᓚᓱᓕᖅᐸᓐᓂᖓ ᐃᒃᑮᕐᓇᖅᓯᓯᒪᓕᖅᐸᒍᓐᓇᕐᓂᐊᕐᒪᑦ, ᐊᒻᒪᓗ ᐃᓚᒋᔭᐅᖃᑕᐅᔪᐃᑦ ᓂᕆᐅᕝᕕᐅᓯᒪᓪᓗᑎᒃ ᖃᐅᑕᒫᑦ ᓇᒧᖖᒐᐅᓯᒪᕙᓐᓂᕐᓄᑦ ᐃᓚᒋᔭᐅᖃᑕᐅᔭᕆᐊᖃᖃᑦᑕᕐᓂᐊᖅᓂᖏᓂᒃ. ᑕᒪᒃᑯᐊ ᓇᒧᖖᒐᐅᑎᑕᐅᕙᓐᓂᖏᑦ ᖃᓄᐃᓕᐅᕆᐊᖅᓯᒪᓪᓗᑎᒃ, ᓲᕐᓗ ᐅᒥᐊᒃᑯᑦ ᔫᑎᐋᒃᑯᑦ ᐅᒥᐊᖅᑐᖃᑎᒋᔭᐅᕙᓐᓂᖏᑦ ᐊᒻᒪᓗ ᓯᒡᔭᓕᑉᐸᓐᓂᖏᑦ, ᐱᓕᕆᓂᖃᕆᐊᖅᓯᒪᕙᓐᓂᐊᖅᐳᑦ ᐃᑲᕐᕋᓄᑦ ᒪᕐᕉᓐᓄᑦ ᐱᖓᓱᓄᓪᓗ ᐊᑯᓂᐅᓂᖃᖅᑎᒋᔪᓄᑦ.

ᐅᒥᐊᕐᔪᐊᒥ ᖃᐅᔨᓴᕆᐊᖅᓯᒪᔪᓄᑦ ᓘᑦᑖᕆᔭᐅᔪᖅ (ᐃᖢᐊᖅᓴᐃᔨ) ᐃᓚᐅᖃᑕᐅᖏᓐᓇᖅᐸᑦᑐᖅ SOI-ᑯᑦ ᐃᖅᑲᓇᐃᔭᖅᑎᖏᓄᑦ. ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᑕᑕᑎᕆᐊᓕᓐᓂᒃ ᐃᓗᓕᖃᕐᓂᐊᕐᒥᔪᑦ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑕᐅᓂᕐᒧᑦ ᑐᑭᓯᒋᐊᕈᑎᔅᓴᓂ ᑐᓂᔭᐅᓯᒪᓕᕐᓂᐊᖅᑐᓂ ᑕᐃᒃᑯᐊ ᑐᒃᓯᕋᐅᑎᖃᖅᓯᒪᔪᑦ ᓈᒻᒪᒋᔭᐅᓯᒪᓕᖅᐸᑕ. ᑖᒃᑯᐊ ᑎᑎᑎᕆᐸᓖᑦ ᑕᑕᖅᑎᑕᐅᓯᒪᓗᑎᒃ ᐅᑎᖅᑎᑕᐅᔭᕆᐊᖃᕐᓂᐊᖅᐳᑦ ᐃᓕᓐᓂᐊᖅᑐᐃᑦ ᓯᑯᒦᖃᑎᒌᑦᑎᑕᐅᓂᖓᓄᑦ ᑎᒥᖁᑎᒋᔭᐅᔪᑦ ᐊᓪᓚᕝᕕᖓᓐᓄᑦ.

ᐊᑭᓖᔭᕆᐊᖃᕐᑎᑕᐅᓂᕐᒥᒃ ᐊᑐᕈᓐᓃᖅᑎᑦᑎᓂᖅ

ᐊᑭᓖᔭᕆᐊᖃᕐᑎᑕᐅᓂᕐᒥᒃ ᐊᑐᕈᓐᓃᖅᑎᑦᑎᔾᔪᑎᑦ ᑕᑕᑎᕆᐊᓖᑦ ᐃᓕᔭᐅᖃᑕᐅᓯᒪᓂᐊᖅᑐᑦ ᐅᒥᐊᕐᔪᐊᒃᑯᑦ ᖃᐅᔨᓴᕆᐊᖃᑕᐅᓂᕐᒧᑦ ᑐᑭᓯᒋᐊᕈᑎᔅᓴᓂ ᑐᓂᔭᐅᓯᒪᓕᕐᓂᐊᖅᑐᓂ ᑕᐃᒃᑯᐊ ᑐᒃᓯᕋᐅᑎᖃᖅᓯᒪᔪᑦ ᓈᒻᒪᒋᔭᐅᓯᒪᓕᖅᐸᑕ. ᐃᓗᓕᖃᕐᓂᐊᕐᒥᔪᑦ ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᐊᒻᒪᓗ ᑐᓴᒐᔅᓴᓂᒃ ᐊᑐᕈᓐᓃᖅᑎᑦᑎᓂᕐᒧᑦ ᑕᑕᑎᕆᐊᓕᖁᑎᓂᒃ. ᑖᒃᑯᐊ ᑕᑕᑎᕆᐊᓖᑦ ᐊᑎᓕᐅᖅᑕᐅᓯᒪᔭᕆᐊᖃᖅᐳᑦ ᑕᒪᒃᑭᓐᓂᑦ ᐃᓕᓐᓂᐊᖅᑐᒥᑦ ᐃᓚᒋᔭᐅᖃᑕᐅᓂᐊᖅᑐᒥᑦ ᐊᒻᒪᓗ ᐊᖓᔪᖅᑳᕆᔭᖓᓂᑦ/ᒥᐊᓂᖅᓯᔨᒋᔭᖓᓂᑦ (ᐃᓕᓐᓂᐊᕐᑐᖅ ᐅᑭᐅᖃᕐᓂᖅᐸᑦ 18 ᑐᖔᓂ) ᐊᒻᒪᓗ ᑕᒪᐃᓂᑦ ᐅᒥᐊᕐᔪᐊᒃᑯᑦ ᖃᐅᔨᓴᐃᔭᖅᑐᕐᓯᒪᓂᕐᒥ ᐃᖅᑲᓇᐃᔭᖅᑎᒋᔭᐅᔪᓂᑦ

Students on Ice is proudly supported by bv02.

This website was made possible by a generous contribution from the Leacross Foundation.